🌱 تجربة زراعة 🌱

من فترة شهر ونص او شهرين بدأنا نهتم بالزراعة ونحاول ننتج 🌵

بس تعمدت مشتريش بذور جاهزة عشان الاولاد يشوفوا أصل الموضوع ☘️

بدأنا نجرب معظم بذور الخضروات فلفل طماطم 🍅 حرنكش باذنجان 🍆

جربنا الانبات بدون بذور زي البصل والفجل والخس من رأس الخس والنعناع من اعواد النعناع

في نجح وفي فشل وفي خد وقت وكنا يأسنا وسبحان الله بعد مدة طويلة نبت🌱
وكان من الحاجات اللي نجحت معانا الحمد لله وكنا يأسنا منها وبعد شهر لقناها نبتت🌱

استعملت في التنبيت مكان صغير وبعدها نقلناه برفق عشان ندي للجذور مساحة. اكبر عشان تكبر وتنمو براحتها
وقابلنا خلال التجربة حشرات 🦟 لازم نحمي النبات منها زي حشرة المَن ودورنا وبحثنا علي طرق طبيعية للتخلص منها وعرفنا شكلها عن قرب

كان شرح اهم الاشياء اللي بيحتاجها النبات سهل بفضل الله لاننا اتعرفنا عليه بالتجربة العملية 👓
كانت تجربة الانبات 🌱 بين النجاح والفشل مفتاح 🔑 لمعرفة ان كله بمشيئة الله ولو حطينا البذرة في التربة وسقناها ماء 💦 وعرضناها للهواء والضوء وربنا لم يرد ان تنبت فلم تنبت 🌱

استعنا بالاية (٩٥) في الأنعام

إِنَّ اللَّهَ فَالِقُ الْحَبِّ وَالنَّوَىٰ ۖ يُخْرِجُ الْحَيَّ مِنَ الْمَيِّتِ وَمُخْرِجُ الْمَيِّتِ مِنَ الْحَيِّ ۚ ذَٰلِكُمُ اللَّهُ ۖ فَأَنَّىٰ تُؤْفَكُونَ (95)

الرسم المستخدم بألوان باستيل 🖍

تجربة الزراعة جميلة جدا تستحق التجربة الاطفال بيتعلموا منها كتير 🔍
دمتم بخير ❤️