الورشة كانت مبهجة زى إسمها بالضبط و الأولاد اتبسطوا بانشطتك أللى دايما بتكون مختلفة و مميزة  و تناولت مفهوم هااام جدا قد يوصل للسن الصغير بطريقة عملية و أللى نقدر نبنى عليه باقى مفاهيم الصيام و رمضان بعد وضع حجر الأساس. جزاك الله خيرا و بارك فى عملك ووقتك و أولادك يارب

أجمل شىء فى الورشه انه جمع اطفال كتير من مختلف البلدان على نفس الهدف وهو الاحتفال ببهجة قرب رمضان .كل سنه بنعمل انا واولادى وساعات بيكون معانا اولاد صحباتى، بس المره دى كانت مختلفه واسعدت قلوب اطفالى الحمدلله .

جزاك الله عنا خيرا ....البلوك استفادته عظيمه وليها أثر طيب علينا كالأم وأطفال..من بدايه الفهم والتدبر والمعاني التي تظهر من خلال الرسائل الربانيه
أضاف لنا البلوك كيف نستخرج اسماء الله من الآيات وننزلها علي واقعنا وحياتنا وتكون تطبيق عملي من خلال مواقفنا الحياتيه العاديه

معلمة فاطمة من الشخصيات الرائعة المبدعة حقيقي وأسلوبها جدا راقي وصبورة وكريمة معطاءه جزاه الله عنا خيرا. متفانيه جدا في نشر الخير وطريقة تقديمها للمعرفة و للرسم الجميل كان له اثر جميل وفائدة عظيمة. انا اطفالي حبوا الدورة اللي اشتركنا فيها وانا تعلمت واستفدت قبلهم

من أجمل الحاجات اللي درسناها هو البلوك ده ويمكن الحاجه الوحيده اللي بنتي عمرها ما رفضت اننا ناخده اول ما اقولها يلا نكمل
البلوك علي طول تجهز الحاجه أما بالنسبه للاستفاده فبجد استفدنا انا وهي مش هي بس وكمان مكناش تطرقنا قبل كده لاسماء الله دلوقتي بقت عارفه مجموعه كويسه

انا حد صعب يعجبني حاجه،شبه مبنبهرش.
لكن دورتك يا فاطمه حقيقي ابهرتني،رائعة فوق الوصف،تناولت جانب مهم اوي كان نفسي ابدأه ومش عارفه ازاي،ألا وهو دراسة أسماء الله الحسنى،عيشنا معاها في رحلة ماتعة،الأولاد بقوا بيعرفوا يستنبطوا الأسم لوحدهم،اللهم بارك،فرقت معايا أنا قبلهم،اتعلمت منك

يا فاطمة جزاك الله عنا خيرا..أنا عندي مشاعر مختلطة كده بين اللشعور باللإنجاز إنه خلاص فاضلنا الخاتمة فقط وبين إن رحلتنا مع
البلوك والقصة بتخلص..أنا استفدت قبل ابني كتير والآيات اللي كانت بتمر علينا عادي وحافظنها لقيت إن فيها معاني كتيرة أوي مكنتش
واخدة بالي منها..حاجة جميلة فعلا تدبر الآيات و إننا نعيش القصة بالمشاعر اللي فيها..