
استخدام مبدأ تكرار النمط في تعليم الأطفال من خلال Creative Form Drawing
مقالة ((٢)) 📚💡
لما نشرت عن كتاب فادنا في عمليتنا التعليمية **Creative Form Drawing**، جالي أسئلة عن شرح مدى استفادتنا منه اللي فرقت معانا.
إتكلمنا عن الإفادة في أول مقال ودة تاني مقال هنتكلم فيه عن مبدأ تاني وهو مبدأ
((تكرار النمط))
عاوزة أقولكم حاجة إن التطبيقات دي والإستفادة دي مش موجودة في الكتاب بشكل مباشر ولكنها وجهه نظري وخبرتي في توظيف الكتاب للإستفادة منه بأكثر من طريقة
أنا هتكلم النهاردة عن مبدأ مهم جدًا وهو ((تكرار النمط))🔍✏️
بعد دراستنا لأنماط مختلفة من Form Drawing، بدأنا نمارس مبدأ عكسي وهو ((التحليل)) أو التجزئة، ودة مبدأ مهم جدًا جدًا وكثير من الأطفال بتحتاج تتدرب عليه.
ودة عملناه زي الصور كدة بنمارسه على رسمة 🎨
ولكن هنزود على التحليل المرة دي مبدأ ملاحظة تكرار النمط ولهذا وقع إختياري لهذه الصورة
سألتهم الأول: “الرسمة دي شايفنها إيه؟” المرة دي قالوا سهلة لو حللناها
قولتلهم: “جميل ، يلا نحلل الرسمة ونطلع الأنماط المستخدمة بس هنزود حاجة كمان ؟” 👀
مش واخدين بالكم من حاجة في الرسمة ، قالوا ان الأنماط متكررة ، قولتلهم أيوة هي دي النقطة الأنماط متكررة يلا نعدد كام تكرار لكل نمط كون الصورة دي؟
وبعد ما حللناها كلها وشوفنا كل نمط مكرر قد اية قولنا: “إيه رأيكم نرسم بقى الرسمة؟” قالوا: “كدة بقت سهلة جدًا وعارفين كل نمط هنكرره قد اية!” 😊✍️ ودة المطلوب
إنهم يلمسوا مبدأ التحليل والتجزئة وتكرار النمط بحاجة ملموسة زي الرسم، ودة بيدرب مخهم على المبدأ دة 🧠💪
ودة بيفيدهم في مجالات كتير زي البرمجة، والرياضيات، ومجال زي دراسة الزخارف لأن في نيتنا ندرس الزخارف الإسلامية إن شاء الله والنقوش فكل الزخارف عبارة عن نمط واحد مكرر عدة مرات 📊💻📚
كل حاجة بتبان في الأول بتخض وشكلها صعب وكبير، لكن لو حللناها أو جزئناها ولاحظنا تكرار الأنماط بتبقى الدنيا أبسط 👌
دمتم بخير






Tag:أنشطة, أنشطة الطفل, أنشطة تعليمية, تعليم