معجنات بحشوات مختلفة للمدرسة

السلام عليكم ورحمة الله وبركاته
⏰بما إن داخلين على مدارس ومعظمنا بيحتار في أكل الأولاد في المدرسة 😅 ففعلًا تحضير معجنات مختلفة الحشوات جميلة جدًا تتعلم. في الأجازة وتتخزن في الفريزر ، ونطلع ليلة المدرسة تفك ونحطها الصبح في اللانش بوكس

بتوفر وقت ومجهود وفكر كبير جدًا⏰

❤️❤️نبدأ على خيره الله ❤️❤️
العجينة اللى استخدمتها لمعظم المعجنات فى يوست امبارح ماعدا الكرواسون👍
المكونات:
كيلو دقيق كامل الحبه
علبه زبادى
خميرة يفضل بادئة طبيعيه لو متوفرش استخدمى الخميرة البلدى
رشة ملح
ماء من الحنفية عادى حسب العجينه متاخد معاكى ولو مستعجلة ع التخمير يبقى ماء دافئ
معلقتين زيت زيتون
الطريقة :
هنخلط كل المكونات مع بعض ووضع الماء شوية بشوية لحد ما قوامها يضبط معاكى
هتحسى العجينة فى اول العجن تقيلة معاكى هتغطيها ٥ دقايق على ما البروتين بتاع الدقيق يتفاعل مع الماء ويبدأ يكون روابط الجلوتين الاستيك بتاع العجينة 🙈
وبعدها نعجن هتلاقيها بقى سلسلة معاكى وبتتعجن هننزلها ع الرخامة ونعجن بتاع ١٠ دقايق 🙈
هنحطها فى البولة وندهن وشها بسيط زيت زيتون ونغطيها كويس
ونسيبها تخمر
موضوع البادئة مهمة ليه بقى لانها مش زى الخميرة الفورية يتتفخ العيش هوا وخلاص
لكن البادئة مختلفة تمامًا
ان شاء الله هيبقى لينا فيها كلام كتير فى منشور لوحده 👍
لكن هسيبلكم الحتة دى بس كتشويق👍
Sourdough is also lower in gluten than other forms of bread. It appears that the acid in the bread degrades gluten. As a result, people with gluten intolerance may find that sourdough is easier on their stomachs.
بعد ما العجينة تخمر ببدأ اشكل منها الاشكال المختلفة للمعجنات
مناقيش
مينى بيتزا
فطائر محشية جبن
فطائر محشية عجوة
وبعد ما نشكلها نسيبها تخمر تانى والفطائر ندهن وشها صفار بيض مع حليب وتتخبز فى فرن مسخن مسبقًا على ٢٠٠
وتطلع من الفرن نغطيها عشان متنشفش ❤️ والف هنا وشفا ❤️
طريقة الحفظ:🌹
بحفظها فى اكياس الطعام فى الفريزر ولو هحتاجها الصبح هطلععا تفك من بالليل والصبح أسخن الفرن كويس وبعد ما يسخن احطها فيه ٥ دقايق بس 👍
بالنسبة للانش بوكس طبعا مش معنى ان عملتوا كمية ان كل يوم احطها للعيال كدة هيزهق منك 🙈
انا بحط يمكن مرة اول الاسبوع وممكن اخره
اللى خزنته فى الفريزر بينفع ايام الزنقات او صحينا متأخر او الاولاد جاعوا فى نص اليوم او هنقضى فترة كبيرة برا
بس كدة🙈
دمتم بخير وطيبين❤️