الحصان الذي لا يعطش

السلام عليكم ورحمة الله وبركاته

هحكيلكم النهاردة حكاية صغيرة كدة من كتاب لطيف

بعنوان (من الحصان الذى لا يعطش)

مختصرها ان كان فى شاب فى المزرعة كلن لسة جديد وعاوز يثبت جدارته

فخد الحصان الصبح من المزرعة وقال انا هخلى الحصان يشرب قبل منتحرك اختصارًا للوقت

لكن الحصان رفض بشدة انه يشرب ولا يقرب من الماية اصلا وكانت عيونه مركزة ومتطلعة لحقل البرسيم

ولكن الشاب كان مصمم ان الحصان يشرب وحاول يشد الحصان ويضربة ويعنفه عشان يشرب والحصان برضة رافض وجرب كمان يغير الماية يمكن مش كويس برضة مرضاش يشرب

ولجأ باستخدام القوة لدفع فم الحصان فى المياه فنفث الحصان فى الماء ولم يشرب

فى هذه الاوقات مر عليه مزارع قديم ذو خبرة فقال له هل تستطيع أن تجبر الحضان على الشرب بهذه الطريقة

انه ليس عطشانًا

يمكنك تعنيفه واجباره للشرب وقد يشرب غصب لكن فى النهاية سيبصق كل الماء ويصبح عملك ضائعًا

ما يمكنك القيام به حقًا هو ان تفهم الحصان من خلال المتابعة

انه فى هذه الساعات المبكرة من الصباح الحصان ليس عطشانًا

ولكنه يكون متطلع فى الصباح للبرسيم الطازج الجيد وبعد أن يأكل سيكون عطشانًا وستراه يركض الى حوض الماء

فى نهاية القصة هو يذكر للمعلمين هذا المثال حتى يفهموا النقطة المراد إيضاحها وهى (( ان المشكلة فى تعليمنا ليس المحتوى كما نعتقد اليوم ولكن يجب ان ينصب التركيز على كيفية ((جعل الاطفال عطشى)) )

بيوضح المثال ان تدريس الاطفال شئ مش شغوفين بيه او حتى ع الاقل وضع الطفل فى بيئة نابضة تحيى عنده الشغف بالحاجة اللى هيدرسها هيكون زى الحصان اللى بنجبره يشرب وهو مش عطشان ممكن تجبره انه يشرب لكن فى الاخر هو هيبصق الماء اللى اجبرته انه يشربه

ودة بيوضح ليه فعلا معظم الحاجات اللى كنا بندرسها بنمتحن من هنا هوب المعلومات تطير وكان شئ لم يكن من هنا

مما اطلعت عليه وحبيت اشاركه معكم

دمتم بخير