استخدام مبدأ التحليل في تعليم الأطفال من خلال Creative Form Drawing

📚💡 لما نشرت عن كتاب فادنا في عمليتنا التعليمية Creative Form Drawing، جالي أسئلة عن شرح مدى استفادتنا منه اللي فرقت معانا.

أنا هتكلم النهاردة عن مبدأ مهم جدًا وهو ((التحليل))🔍✏️

بعد دراستنا لأنماط مختلفة من Form Drawing، بدأنا نمارس مبدأ عكسي وهو ((التحليل)) أو التجزئة، ودة مبدأ مهم جدًا جدًا وكثير من الأطفال بتحتاج تتدرب عليه.

ودة عملناه زي الصور كدة بنمارسه على رسمة 🎨

سألتهم الأول: “الرسمة دي شايفنها إيه؟” قالوا شكلها صعب ومعقد 😰

قولتلهم: “إيه رأيكم نبصلها تاني ولكن واحدة واحدة؟” 👀

🌞 الشمس خدنا حاجة نمطها شبه رسمه الشمس، قالوا: “اتنين نمط فعلًا كنا اتدربنا عليهم”

وهكذا عملناه بالتدريج مع الأمطار والسحب ☁️🌧️

وبعد ما حللناها كلها قولنا: “إيه رأيكم نرسم بقى الرسمة؟” قالوا: “كدة بقت سهلة جدًا!” 😊✍️ ودة المطلوب

إنهم يلمسوا مبدأ التحليل والتجزئة بحاجة ملموسة زي الرسم، ودة بيدرب مخهم على المبدأ دة 🧠💪

ودة بيفيدهم في مجالات كتير زي البرمجة، وحل المشكلات، والرياضيات، والمهام الصعبة الكبيرة، والمذاكرة 📊💻📚

كل حاجة بتبان في الأول بتخض وشكلها صعب وكبير، لكن لو حللناها أو جزئناها بتبقى الدنيا أبسط 👌

ودة اللي احنا عملناه وربطناه معاهم في مشكلة كبيرة، ازاي نفكر فيها لو قسمناها، وفكرتهم بمبدأ في العمليات الحسابية، وادتهم
مسائل وقلت لهم حلوها بكذا طريقة ➗✖️➕➖


دمتم بخير