أفكار الأجازة

السلام عليكم ورحمة الله وبركاته

انا حبيت اشارككم فكرة خاصتًا ان الاولاد اجازة .. 

طبقتها بشكل شخصي والحمد لله كانت ناجحة وتجربة ممتعة للأسرة
وكمان طبقنا جزء منها في رحلة الإسراء والمعراج (جزء البوفيه)لما طبقنا فكرة المسرح السردي وأجمع أغلب المشتركين على نجاح الفكرة الحمد لله مع أولادهم.

سينما منزلية

عملنا ورق بالفيلم الكرتون المعروض وعلقناه على مدخل غرفة العرض

وصممنا تذاكر للسينما

وعملنا بوفيه حقيقي للسينما بالاسعار، وهما المفروض يشتروا منه اللى عاوزينه

ملحوظة (الأطفال اللي مش متعودة على فكرة دفع الفلوس والشراء ممكن تدوهم فلوس ورق زي بنك الحظ أو يكون بوفيه مجاني )

وممكن تعملى إنتي الام دور المسئول عن قطع التذاكر والبوفيه

والاب مثلًا أو الخالة او العمة المسئول اللى بيشوف التذاكر ويمضيها عشان ميستخدموهاش تاني ويدخلهم قاعة السينما ويوريهم مقعدهم 

وتضلموا قاعة السينما اللى هيتعرض فيها الفيلم

وممكن تنفذوا الفكرة في تجمع العائلة

التجربة الأساسي فيها ليس السينما أو مشاهدة الفيلم في حد ذاته ولكن الجديد والتجربة فيها هي الأحداث حولها والتمثيل ومحاولة معايشة الأجواء كأنها حقيقية